დესერტი რეცეპტი

ორცხობილა ლიმონის ფაჯით და გარგრის კურკის გოზინაყით

ორცხობილას კალათი

ინგრედიენტები: 

  • ხორბლის ფქვილი - 200 გ
  • ნუშის ფქვილი - 100 გ
  • შაქარი - 40 გ
  • მარილი - 15 გ
  • კარაქი - 100 გ
  • ვანილის ჩხირი - 1 ცალი

მომზადების წესი: ხორბლის და ნუშის ფქვილი, შაქარი, მარილი, 100 გრამი გამდნარი კარაქი და ვანილის ჩხირი მოვზილოთ ერთად და ცომი ამოვიყვანოთ მრგვალ ფორმებში. ვაცხოთ 180 გრადუს ღუმელში 12 წუთის განმავლობაში. 

ლიმონის ფაჯი

ინგრედიენტები:

  • ყავისფერი შაქარი  - 100 გ
  • ლიმონის ცედრა - 1,5 
  • კარაქი - 40 გ
  • ნაღები 
  • თეთრი შოკოლადი - 100 გ

მომზადების წესი: შაქარი, ლიმონის ცედრა, კარაქი და 50 გრამი ნაღები გავადნოთ ერთად. მას შედეგ რაც შაქარი გადნება, გადმოვდგათ ცეცხლიდან და დავუმატოთ თეთრი შოკოლადი. გაგრილების შემდეგ ავურიოთ 2 სუფრის კოვზი ნაღები. 

გარგრის კურკის გოზინაყი

ინგრედიენტები:

  • გარგრის კურკები
  • თაფლი

მომზადების წესი: გარგრის კურკა მოვხალოთ, გავაცალოთ კანი და დავჭრათ წვრილ ნაწილებად. პარალელურად, მოვიყვანოთ თაფლი, სასურველია 5-ჯერ მაინც წამოვადუღოთ და გავაგრილოთ. ამის შემდეგ ერთმენათში ავურიოთ თაფლი და გარგრის კურკა, შემდეგ კი მივაღებინოთ სასურველი ფორმა. 


სერვირება: ორცხობილას კალათებში მოვათავსოთ ლიმონის ფაჯი, ზემოდან დავადოთ გარგრის კურკის გოზინაყის ბურთულა და გარშემო შემოვუწყოთ ჟოლო.