ძირითადი კერძი რეცეპტი

ორაგული, ლობიოს სალათი ჯონჯოლის სოუსითა და ყვავილოვანი კომბოსტოს პიურე

ორაგული

ინგრედიენტები:

  • ორაგული
  • მარილი
  • შაქარი
  • ზეთი

მომზადების წესი: თევზს დავაყაროთ მარილისა და შაქრის მიქსი (1 ნაწილი შაქარი 4 ნაწილ მარილთან) და გავაჩეროთ 10 წუთით. შემდგომ გავრეცხოთ ცივი წყლით, გავამშრალოთ, ჩავდოთ პაკეტში და გავაჩეროთ 50-გრადუსიან წყალში 30 წუთით. 30 წუთის შემდეგ ამოვიღოთ, გავამშრალოთ და კანის მხრიდან ცოტაოდენი ზეთით მოვბრაწოთ გახურებულ ტაფაზე (დაახლოებით 30 წამით), რათა კანი ხრაშუნა იყოს.

ყვავილოვანი კომბოსტოს პიურე:


ინგრედიენტები:

  • ყვავილოვანი კომბოსტო - 1 კგ
  • წყალი - 200 გ
  • კარაქი - 170 გ
  • მარილი - 7 გ

მომზადების წესი: ყვავილოვანი კომბოსტო დავჭრათ დაახლ. 1 სმ ნაჭრებად, დავამატოთ კარაქი, წყალი, მარილი და დაბალ ცეცხლზე ვხარშოთ ნახევარი საათის განმავლობაში. დავაბლენდეროთ და პიურე მზადაა.

ლობიოს სალათი და ჯონჯოლის სოუსი:


ინგრედიენტები:

  • ნიორი - 1 ც
  • ხახვი - წითელი, ნახევარი
  • ჯონჯოლი - 1 მუჭა
  • მჟავე კიტრი - 2 ან 3 ც
  • ზეითუნის ზეთი - 8 სუფრის კოვზი
  • ლიმონი - 3 სუფრის კოვზი
  • მდოგვი - 1 სუფრის კოვზი
  • ოხრახუშის ფოთლები - 2 მუჭა
  • ქინძის ფოთლები - 2 მუჭა
  • რეჰანი - 1 მუჭა
  • ბაზილიკი - 1 მუჭა
  • მარილი
  • შავი პილპილი
  • წითელი წიწაკა

მომზადების წესი: დავაბლენდეროთ ყველა ინგრედიენტი და მოვასხათ ცივ, გარეცხილ ლობიოს. კარგი ჩამნაცვლებელია კონსერვის ლობიოც - აძლევს ფაქიზ სიტკბოს.